Në Itali një skuadër që militon në Serie D, Oltrepo Vogera, ka firmosur me mbrojtësin shqiptar, Klodian Semina. Ata e japin lajmin me krenari se kanë firmosur me një lojtarë që në të shkuarën ka ndalur Cristiano Ronaldon dhe cilësohet si një transferim thelbësor për ekipin.
Mbrojtësi shqiptar, Semina në të shkuarën ka qenë pjesë e ekipeve të Superiores si: Vllaznia, Beslidhja dhe Gramozi. Me këtë të fundit ka luajtur në epokën e artë të Reazart Taçit, ku u përballë në Tiranë dhe me Real Madridin. Klodian Semina tashmë jeton në Itali dhe ka firmosur me klubin e kategorisë së katërt për të vazhduar atje karrierën e tij.
Klubi italian, këtë etapë të karrierës së tij e ka përdorur pikërisht për t’i bërë reklamë mbrojtësit shqiptar dhe merkatos që ka bërë ky klub. “Klodian Semina dhe Xhiorxhi Piaçentini janë dy lojtarë të rinj të Oltrepo Vogera! Dy mbrojtësit tanë të qendrës kanë ndalur më parë Cristiano Ronaldon dhe Papu Gomez”, ishte mesazhi i klubit drejtuar tifozëve.
