Detaje të reja tronditë se kanë dalë në dritë nga dëshmia e Faik Bucit, babait që akuzohet se së bashku me djalin ka vrarë vajzën e tij, Eglantina Bucin, në 2012 në Malin me Gropa për çështje nderi. Ai ka deklaruar se vajza e tij është gjallë, por është trafikuar dhe se eshtrat e gjetura në mal nuk janë të saj. Përpara policisë ka theksuar se vajzën e ka mohuar si fëmijë, por shton se edhe sot po t’i dalë përpara e vret.
“Eshtrat në Malin me Gropa nuk i përkasin vajzës time. Eglantina është gjallë dhe është prostitutë. Unë e kam mohuar si fëmijë. Edhe sot po të më dalë para e vras”.
Burime nga policia thanë se disa javë para vrasjes në 2012, Faik Buci ka tentuar ta vrasë vajzën e tij në zonën e Shkollës se Bashkuar, ku e ka ndjekur me pistoletë në dorë mes pallateve, por vajza e ka pikasur dhe ka mundur të fshihet.
Ngjarja ka ndodhur pasi babë e bir kundërshtonin lidhjen e saj me një djalë.
