Sot në edicionin informativ të “Tirana Today”, patët mundësi të ndiqnit zhvillimet më të rëndësishme të ditës.
Në një përmbledhje të shkurtër ju u njohët me lajmet nga vendi dhe bota.
Edicioni i sotëm nisi me deklarata e kryetares së LSI-së Monika Kryemadhi.
Në një takim me strukturat e LRI, ajo tha se mijëra të rinj po largohen çdo ditë nga vendi.
Ajo u shpreh se Shqipëria ndodhet në një situatë emergjente, e për këtë bëri fajtor kryeministrin Edi Rama.
Ndërsa më tej u njohët me deklaratën e Prokurorisë dhe Policisë e Vlorës. Ata kanë përgënjeshtruar pretendimet e Partisë Demokratike. Në ditë më parë deputeti Ervin Salianji tha se janë rreth 80 persona të zhdukur në këtë qytet.
Prokuroria dhe Policia e Vlorës thonë se numri total i personave të larguar nga banesa është 23.
Ndërkohë lajmi për ndarjen nga jeta të ish-presidenti i SHBA, George H.W. Bush ka bërë jehonë në gjithë media.
George Herbert Walker Bush, presidenti i 41-të i Shteteve të Bashkuara vdiq në moshën 94 vjeçare. Ai ishte babai i Presidentit të 43-të amerikan, George W. Bush.
