Trajneri i Kombëtares, Edi Reja, foli ditën e sotme në konferencën e zakonshme për shtyp në prag të sfidës ndaj Lituanisë,
74-vjeçari vlerësoi maksimalisht ekipin kundërshtar dhe tha se ekipi do përpiqet ta godasë në pikat e saj të dobëta.
“Performanca e Lituanisë në ndeshjen ndaj Shqipërisë ka qenë shumë e mirë. Kanë ushtruar presing të vazhdueshëm duke i hequr iniciativën ekipin tonë. Do të përpiqemi që të gjejmë pikat më të dobëta të tyre duke ushtruar presionin tonë dhe duke shfrytëzuar anët tona më të forta, për të arritur në objektivin tonë që është fitorja e ndeshjes”, u shpreh Reja.
Tekniku italian tha gjithashtu se ekipi aktualisht ka 10 lojtarë të fituar, 10 emra që janë ndjekur ngushtë nga stafet teknike dhe e meritojnë këtë grumbullim.
