Studentët e Universitetit “Aleksandër Moisiu” në Durrës, pritet që të dalin sot në protestë. Në njoftim citohet se të gjithë studentët do të protestojnë për të drejtat e tyre.
Ata kërkojnë përgjysmimin e tarifave të universiteteve, heqjen e tarifave shtesë dhe anulimin e VKM për provimet përsëritëse, përmirësimin e kushteve dhe infrastrukturës së universiteteve, si dhe përmirësimin e kushteve nëpër konvikte.
“Në datë 06.12.2018, ora 11:00, në kampusin e ri Universitar, Spitall, të gjithë studentet në këmbë për të drejtat e tyre. Studentët njëzëri kërkojnë: Përgjysmimin e Tarifave te Universiteteve, heqjen e tarifave shtese dhe anulimin e VKM për provimet përsëritëse, përmirësimin e kushteve dhe infrastrukturës së universiteteve, si dhe përmirësimin e kushteve nëpër konvikte.
Jo favorizim te universiteteve private për përfitime personale. Edi Rama sapo i poshtëroi sërish të rinjtë, duke i cilësuar ngelesa. Rinia nuk është ngelëse, por është një rini që përpiqet me mish e me shpirt për të mësuar e studiuar, është një rini që merr para borxh për të paguar tarifat e rritura të Edi Ramës.
Ngelës është një dhe vetëm një, Edi Rama i cili po fut çdo ditë e me shume dorën ne xhepin e të rinjve e çdo qytetari të këtij vendi”.
