Modelja e njohur Adrola Dushi, për momentin është në kulmin e karrierës së saj. Ajo po shijon suksesin, e pas nuk ka lënë edhe djalin e saj, për të cilën është shprehur edhe më herët se qëndron pranë tij në të shumëtën e kohës. Por ndryshe nga çfarë shohim me fotot e projektet e saj në Instagram, duket se bukuroshja ndihet e fyer me punën e saj. Për shkak të paragjykimeve, ajo ndihet e fyer për çfarë ajo bën.
E ftuar së fundmi në emisionin “Pasditja ime”, Adrola Dushi rrëfeu për karrierën e saj në Amerikë, dhe për herë të parë bëri deklaratën befasuese. Duke u bazuar tek rrjetet sociale, ku sipas Adrolës çdo vajzë hiqet si modele, ajo tashmë e ka për ofendim të quhet një e tillë.
“E urrej punën time. Nuk do të doja këtë moment të quhesha modele ose miss, në periudhën që po jetojmë. Ndihem disi e ofenduar, ngaqë po shoh rreth e rrotull dhe ka humbur sensi i gjësë. Nuk po e shijoj fare”, është shprehur ajo.
