Tyson Fury dhe Sefer Seferi kanë bërë matjet zyrtare para duelit të madh të së shtunës mbrëma në Manchester. Ndryshe nga jemi mësuar ta shohim Furyn para një meçi, këtë herë ai i ka lënë mënjanë provokimet dhe janë argëtuar me shqiptarin. Kjo vjen pasi boksieri britanik mendon se kjo përballje do të jetë mjaft e lehtë për të.
Në një moment gjatë matjeve zyrtare për të dëshmuar fuqinë dhe dallimin në peshë, ai e mbajti Seferin në krah. Të qeshurat dhe reagimet interesante pasuan në publik i cili ishte prezent në matjet zyrtare. Tyson Fury peshon plot 131 kilogramë, teksa Sefer Seferi peshon vetëm 96 kilogramë që tregon edhe dallimin e madh në peshë mes dy boksierëve.
Pra, një dallim prej plot 35 kilogramësh mes dy boksierëve i cili natyrisht është i konsiderueshëm duke parë rëndësinë e duelit. Më parë Sefer Seferi kishte deklaruar se ai nuk do të zmbrapset për të synuar fitoren edhe pse në letër Tyson Fury është favorit i madh për këtë përballje. Meçi mes Sefer Seferit dhe Tyson Furyt zhvillohet të shtunën mbrëma.
