Një i dyshuar për vrasjen e ish-komisarit të policisë, Artan Cuku është ndaluar sot nga forcat e rendit në Tiranë pranë zonës së njohur si pallati me shigjeta.
Deri tani burimet pranë policisë flasin për shtetasin Mikel Sh. 24 vjeç si i dyshuari kryesor i krimit të rëndë.
Ndalimi i tij erdhi në kuadër të një operacioni të gjerë për ndalimin e personave të dyshuar si të përfshirë në ngjarje kriminale.
Po sipas burimeve, ka qenë ADN-ja marrë nga rrobat e gjetura, ajo që ka tradhtuar të dyshuarin si autor të krimit.
