Sipas një shpjegimi shkencor, njeriu urinon më shpesh kur është ftohtë, pasi organizmi vë në aksion të gjithë ato veprime të cilat nuk shpërndajnë nxehtësinë. E thënë më ndryshe, një vetëmbrojtje për të ruajtur organet e brendshme nga ulja e temperaturave.
Venat e gjakut periferike shtrëngohen dhe gjaku, priret të përqendrohet në pjesën qendrore të trupit, ku dhe ndodhen organet vitale. Për të njëjtën arsye, pjesët periferike, sidomos duart dhe këmbët priren të jenë më të ftohta.
Ngushtimi i venave të gjakut bën që të shtohet presioni i gjakut, ku për të përballuar këtë situatë, veshkat punojnë më shumë për të nxjerrë lëngjet e tepërta.
Sakaq, në verë lëngje të tilla eliminohen nëpërmjet djersitjes.
