Shpesh gjejmë justifikime nga më të ndryshmet se mënyra e të ushqyerit shpesh është si pasojë e stresit. Për ne, stresi është një ndër indikatorët bazë pse ne ushqehemi shpesh dhe në formë të gabuar.
Por studiuesit e kanë hedhur poshtë këtë tezë. Studimi i kryer në këtë drejtim tregon se të ngrënët nga stresi nuk është aspak i vërtetë. Ekspertët thonë se personat të cilët hanë më shumë kur janë në stres bëhen më të qetë, sepse ushqimi në njëfarë mënyre është katalizator i stresit.
Në një studim të publikuar nga “Biological Psichology”, janë analizuar rreth 59 persona të cilët fillimisht janë pyetur mbi zakonet e tyre të të ngrënit, kjo për të gjetur shenjat individuale të të ushqyerit tek secili prej tyre. Pas një periudhe 10 ditore, ata u pyetën se si ndjeheshin fizikisht dhe emocionalisht kur hanin.
Sipas përfundimeve të këtij studimi, e ngrëna nga stresi mund të mos ekzistojë fare. Përpos kësaj, sipas këtij studimi, njerëzit presupozohet të hanë më shumë kur janë të lumtur, se sa kur janë të stresuar.
