Një shqiptar u vra pasditen e së enjtes nga policia greke në vendin e quajtur Visina, në zonën e Janinës.
Për këtë ngjarje pati shumë reagime në rrjetet sociale të cilët e quajtën vrasjen si një hakmarrje e policisë greke për rastin e Kostandinos Kacifas.
Por gazetari i njohur Artur Bibe ligjëron veprimin e policisë në të dyja rastet, si të ekstremistit grek që u vra në Shqipëri, po ashtu edhe të shqiptarit që u vra sot në Janinë.
Më anë të një postimi në rrjetin social “Facebook”, Bibe sqaron se në të dyja rastet bëhet fjalë për persona të armatosur që qëllojnë me armë kundër policisë.
“Ngrite armë dhe qëllove kundër shtetit, vritesh. Këtë duhet ta kuptojmë të gjithë, na pëlqen ose jo” shkruan Bibe.
Gazetari i bën thirrje që të gjithë ndjekësve të tij që të gjithë të dënojmë dhunën kundër policisë të cilët janë njerëz plot halle si edhe qytetarët e thjeshtë, për të kërkuar edhe prej tyre,te respektojnë të drejtat tona. Respekte policisë së shtetit(kudo ndodhen,në çdo vend).
Nuk mund ta kuptoj frazën “grekët hakmerren dhe ekzekutojnë shqiptarin në Janinë”. Nuk ka yni apo i tyre. Bëhet fjalë për persona të armatosur që qëllojnë me armë kundër policisë, kundër shtetit, kujtdo shteti, në çdo vend të botes. Ngrite armë dhe qëllove kundër shtetit, vritesh. Këtë duhet ta kuptojmë të gjithë, na pëlqen ose jo. Ka shume metoda për të protestuar,por jo dhunë, jo armë.
Po nëse nga plumbat e këtij tipit që u vra sot në Janinë, apo atij tjetrit në Shqipëri, vritej ndonjë i pa fajshëm, çdo behej? Po sikur të vritej ndonjë polic, i cili rrezikon për 500-600 euro në muaj këtu, apo edhe me pak në Shqipëri, çdo thoshin nesër?
Apo do i jepnim një dekoratë dhe do kujtoheshim një herë në vit për ta? S’ka patriotizëm këtu. Duhet të gjithë të dënojmë dhunën kundër policisë të cilët janë njerëz plot halle si edhe qytetarët e thjeshtë, për të kërkuar edhe prej tyre,te respektojnë të drejtat tona. Respekte policisë së shtetit(kudo ndodhen,në çdo vend).
