Britanikia “The Guardian” shkruan se telefoni i Jeff Bezos është hakuar nga princi i kurorës Saudite vitin e kaluar. Sipas tyre, ky hakim që i është bërë njeriut më të pasur në planet mund të jetë arsyeja pse u zbulua lidhja e tij sekrete.
Sipas britanikes, miliarderi i Amazon kishte marrë një mesazh në whatsapp nga numri personal i Mohamed Bin Salman, i cili përmbante “një video dokument të rrezikshëm”.
Ekzaminimi i teknikëve më vonë, zbuloi se pas këtij veprimi ishin vjedhur një sasi e madhe informacioni nga telefoni i miliarderit. Tetë muaj më pas u publikua edhe lidhja e miliarderit me Lauren Sanchez.
Në atë kohë, Bezos dhe bin Salman kishin shkëmbyer mesazhe miqësore. Arabia Saudite më parë mohoi të ketë hakeruar telefonin e Bezos pasi hetuesi privat i Bezos, Gavin de Becker, bëri kërkesë në mars.
