Një ngjarje e rëndë ka ndodhur para pak minutash në Tiranë, pranë Liqenit Artificial. Burime për ‘News24’ bëjnë me dije se 62-vjeçari me iniciale H.B është gjetur i vrarë në këtë zonë me armë zjarri.
Të njëjtat burime bëjnë me dije se 62-vjeçari po vraponte i shoqëruar nga djali i tij i mitur. Mësohet se atentati ndaj këtij shtetasi është bërë në prani të djalit të mitur. Mendohet se 62-vjeçari u vra nga dy persona të maskuar. Ndërsa dyshohet se njëri nga autorët të jetë shtetasi I.H nga Fieri.
Në vendin e ngjarjes kanë mbërritur forca të shumta policie dhe ambulanca dhe priten të tjera detaje në vijim.
Njoftimi i Policisë:
Informacion paraprak
Rreth orës 18:15, tek Liqeni Artificial, është vrarë me armë zjarri, shtetasi H. B., 62 vjeç.
Policia ka identifikuar autorin dhe po punon për kapjen e tij.
