Ky 8 mars do të jetë i paharruar për një familje në Korçë, ku vajza e tyre i dha fund jetës pikërisht në këtë ditë që duhej të ishte plot me respekt, dashuri e përkujdesje ndaj gruas.
20-vjeçarja nga fshati Zvirinë ka pirë fotoksinë, duke gjetur vdekjen, për shkak të një sherri që kishte bërë me të fejuarin e saj.
E reja është gjetur pajetë në banesë, ndërsa familjarët kanë deklaruar se vajza ka qenë në gjendje depresioni kohët e fundit. Sipas tyre, shkak kanë qenë edhe grindjet e shpeshta me të fejuarin e saj.
Sakaq, policia e mbërritur në vendngjarje po punon për zbardhjen e plotë të rrethanave, dhe shkakun që çoi 20-vjeçaren drejt këtij akti të rëndë.
