Një ngjarje e rëndë ka ndodhur në orët e para të mëngjesit në Fushë-Krujë, ku një 43-vjeçar dyshohet se ka plagosur me thikë bashkëshorten e tij. Policia njofton se shtetasi me inicialet G.GJ 43-vjeç është shpallur në kërkim dh po punohet për arrestimin e tij, ndaj të cilit rëndojnë tre akuza.
Ndërkohë 37-vjeçarja e plagosur është transportuar në spital dhe është nën kujdesin e mjekëve.
Njoftimi i policisë:
“Policia shpall në kërkim një shtetas për veprat penal “Dhunë në familje”, “Plagosje e rëndë me dashje ” dhe “Mbajtja pa leje e armëve të ftohta”. Specialistët për Hetimin dhe Parandalimin e Krimeve në Komisariatin e Policisë Krujë, shpallën në kërkim dhe po punojnë për kapjen e shtetasit G.Gj., 43 vjeç, pasi dyshohet se në orët e para të mëngjesit ky shtetas, për motive të dobëta, ka goditur me mjet prerës (thikë), bashkëshorten e tij shtetasen A.Gj.,37 vjeçe,banuese në Fushë Krujë, e cila u transportua në spital dhe ndodhet nën kujdesin e mjekëve. Materialet hetimore i kaluan Prokurorisë pranë Gjykatës së Shkallës së parë Krujë për veprime të mëtejshme.
