Një ngjarje e rëndë ka ndodhur sot në Fier, ku një grua i ka dhënë fund jetës duke u hedhur nga kati i katër i pallatit ku banonte.
Sipas njoftimit të policisë, viktima është një 70-vjeçare me inicialet H.R, banuese në lagjen “8 Shkurti”.
Pas ngjarjes së rëndë, ajo është dërguar menjëherë në spital, ku ka mbërritur pa jetë.
Viktima jetonte vetëm me djalin dhe nusen, ndërsa nuk dihet ende motivi që e shtyu atë t’i jepte fund jetës. Dyshohet se gruaja e ka kryer aktin ekstrem në kushtet e një rëndese psikologjike.
Informacioni paraprak:
Në datën 02.09.2017, rreth orës 10:40, në urgjencën e spitalit Fier, është sjellë me ambulancë e vdekur shtetasja H.R, 70 vjeçe, banuese në lagjen “8 Shkurti” Fier, e cila është hedhur nga kati i katërt i pallatit ku banon. Grupi hetimor po punon për zbardhjen e kësaj ngjarje.
