Një ngjarje e rëndë ka ndodhur në Elbasan, ku një biznesmen i ka dhënë fund jetës.
Mësohet se viktima është 54-vjeçari Shefik Bora, pronar prej më shumë se 15 vitesh i një hoteli dhe një lokali në afërsi të parkut Rinia në Elbasan.
Ngjarja ka ndodhur mbrëmë rreth orës 21:30 në banesën e tij, ndërsa kanë qenë vetë familjarët që e kanë gjetur të varur e të pajetë të dashurin e tyre.
Policia bën me dije se nga veprimet e para në trupin e biznesmenit nuk janë konstatuar shenja dhune.
Dyshohet se shkak i vetëflijimit është depresioni, pasi vetëm pak kohë më parë ai është lajmëruar se lokali i tij do të prishet pasi aty do të ndërtohet rruga për në gjykatë
Gjithsesi Policia po heton edhe në pista të tjera siç është edhe borxhi që mund të ketë pasur biznesmeni.
