Prokuroria për Krimet e Rënda ka hequr dorë nga dosja “Babalja”. Kjo pasi akuza e kallëzimit të rremë, që është objekt i kësaj çështje, nuk klasifikohet si krim i rëndë. Prandaj, Prokuroria e Krimeve të Rënda ka shpallur moskompetencën duke ia kaluar Prokurorisë së Tiranës.
Kështu, çështja e kallëzimit të rremë për deputetin e PD-së Ervin Salianji, Albert Veliun ose ‘dëshmitarin X’, Fredi Alizotin dhe gazetarin Jetmir Olldashi kalon tek Prokuroria e Tiranës.
Të akuzuarit për kallëzim të rremë janë Fredi Alizoti që dyshohet se ka imituar zërin e vëllait të ministrit të brendshëm, Albert Veliu i njohur si “Babalja”, i cili ndodhet në Kosovë, ku ka kërkuar azil politik gazetari Jetmir Olldashi dhe deputeti i PD Ervin Salianji.
Prokuroria ka mbajtur vetëm fashikujt ku flitet për dyshimet mbi veprën penale të trafikut të narkotikëve.
