Ka vendosur të rrëfejë historinë e saj të dhimbshme në një libër me poezi, por nuk ndihet aspak e qetë edhe pas denoncimit. Vajza me emrin Era, sot 19-vjeçare, ka rrëfyer në emisionin “Me Zemer të Hapur”, në “News 24” se ajo është përdhunuar që në moshën 12-vjeçare. Ajo ka rrëfyer se ankthi dhe frika nuk iu larguan kurrë, madje që ndihet ende e kërcënuar, madje familjarisht..
Dhimbjen e saj e ka ruajtur në fletët e ditarit. Janë dhimbje që tashmë janë shndërruar në poezi. “Njollë Mbi Emrin Tim” e quan librin e saj të parë Era, duke rrëfyer gjithë padrejtësitë që i ka mbajtur në një ditar. Në transmetimin e të premtes së javës së shkuar, Era rrëfeu në “News 24” kalvarin e gjatë të një jete plot dhimbje e padrejtësi, e ndërsa sot ajo ishte sërish në studio, pasi tha se, vazhdon të dhunohet psikologjikisht nga i njëjti person që dikur e abuzoi dhe e dhunoi, i cili mesa duket ende nuk dëshiron ta lërë të qetë.
Rrëfimi i Erës në studion e emisionit “Me Zemer të Hapur”:
Era: Të gjitha këto ditë unë kam pasur një ngarkesë të madhe për shkakun se dola në transmetim. As familja ime nuk më mirpriti, nëna ështê akoma duke gjykuar faktin që jemi akoma me turp. Babi u keqkuptua sepse tha pse e tregove nē emision qē ishte ulur të darkonte me babain e abuzuesit.
Por unë babit dua ti them se e dua shumë dhe e kam falur edhe për këtë gjykim sepse ai është babai im. Agresori nuk më ka lenë kurre rehat, ai gjithmonë ka hapur adresa fallco, ku më ka komentuar apo shpërndare foto në rrjetet sociale. Agresori më shan dhe më akuzon, mē ofendon familjen, motrën time të vogël. Ai më kërcënon për motrën e vogël, shprehet që “do vij të djeg me gjithë banesë”. Nëna e agresorit dikur më merrte në telefon dhe më thoshte do të vëmē flakën po nuk hoqe denoncimin. Ai vazhdon të më kërcënoj me fjalët më fyese që ekzistojnë, mendoj se është momenti policisë tani. Ai më ka thënë gjëra të cilat nuk janë etike, më përmend aktin që kreu me mua, është e dhimbshme, më rikthen atë tmerr që nuk di çfarë të veproj.
