Një ditë pas akuzave të rënda që ish-ministrja e Arsimit bëri ndaj Blushit, ky i fundit ka reaguar me pak rreshta.
Kreu i LIBRA-s ka ironizuar Nikollën, teksa thotë që Lindita e ka zakon të mos u ndahet njerëzve, ashtu siç nuk iu nda bodigardit të saj në burg, i cili merrte 3 mijë euro për një vend pune.
“ERDHI DITA PËR LINDITA
Lindita Parsimi paska thënë, se nuk do më ndahet as në gjyq. E ka zakon. Bodigardit të vet që merrte 3 mijë euro për një vend pune nuk ju nda as në burg”, shkruan Blushi në Facebook.
Një ditë më parë, Lindita Nikolla deklaroi se e ka paditur Blushin për shpifje, madje përdori një gjuhë të ashpër ndaj tij, duke e quajtur “parazit, shpifarak, ministër të asgjësë dhe karrierist të llastuar”.
