Ashtu shumë herë të tjera Rama përdori ambasadorin amerikan Donald Lu për të mbrojtur të vëllanë e Fatmir Xhafajt, të dënuar për trafik droge.
Kryeministri përdori ndaj opozitës argumentin se për sa kohë nuk është shprehur ambasadori amerikan si mundet që opozita të hedhë akuza ndaj ministrit të Brendshëm dhe vëllait të tij.
https://tiranatoday.com/rama-mbron-xhafajn-fshihet-pas-donald-lu-se-kur-ai-sthote-gje-po-ju-ckeni/
Duke parë përdorimin e shpeshtë të emrit të ambasadorit Lu për të mbrojtur aferat korruptive por edhe të inkriminuarit që janë të lidhur me ministrat e kabinetit Rama, ka reaguar vetë ambasada e Shteteve të Bashkuara të Amerikës.
Donald Lu ka dashur t’i thotë mjaft përdorimit të emrit të tij duke iu drejtuar kryeministrit, se “Rama të flasë në emrin e tij dhe ne do të flasim në emrin tonë. SHBA po shqyrton akuzat për vëllanë e Fatmir Xhafajt”, tha Lu.
Për të kuptuar edhe reagimin ambasadori Lu mjafton të lexojmë atë që tha me zë dhe figurë vetë kryeministri Rama një ditë më parë kur përdori ambasadori për të mbrojtur vëllanë e Fatmir Xhafajt, i dënuar pë trafik droge në Itali.
“Nëse në këtë zurna do të kishte një grimcë përgjegjësi të ministrit tonë të Brendshëm, përpara se të flisnin këta, do fliste miku ynë protagonist i jetës sonë publike, ambasadori amerikan dhe i BE. Do flisnin ata që nuk kanë lënë rast pa folur, pasi nuk kanë lënë rast pa verifikuar. Ata as kanë folur dhe as kanë çfarë të thonë fare. Për ata ky është një fakt i njohur dhe nuk përbën asnjë implikim direkt ose indirekt qoftë të qeverisë së këtyre, qoftë tonën”, u shpreh me herët Rama.
