Tërmeti që tronditi Turqinë mbrëmjen që lamë pas, duket se ishte parashikuar nga një sizmolog disa orë para goditjes së fuqishme. Paralajmërimi i frikshëm kishte ardhur 12 orë para katastrofës. Mëngjesin e së premtes, rreth 12 orë para se lëkundjet të shkatërronin disa zona në lindje të Turqisë, sizmiologu Gerasimos Chouliaras, kishte dhënë sinjalet për një tërmet të fortë me anë të një postimi në Facebook.
“Sipas metodës së Varotsos 2006, studiova statistikat e rrezikshmërisë sizmike aktuale, që tregojnë 86.7% rrezik për lëkundje sizmike akoma më të fuqishme sesa tërmeti 5.6 rihter, të mërkurën në Izmir. Sepse ka një boshllëk sizmik nga viti 1970, kur kishim tërmetin e fundit 6.9 Rihter”.
Më pas ai postoi edhe hartën me pikat e kuqe, që sipas tij, janë zonat e rrezikuara ku përfshiheshin edhe zonat e prekura nga tërmeti i së premtes.
Tërmeti ka shkaktuar 22 viktima dhe 1015 persona të plagosur dhe shumë dëme materiale. Nën rrënoja ndodhen akoma persona dhe po punohet për shpëtimin dhe nxjerrjen e tyre nga rrënojat.
Së fundmi janë publikuar dhe disa video gjatë një operacion shpëtimi, ku shikohet momenti i shpëtimit të disa personave nga forcat turke.
