Një lajm që ka nisur të bëjë bujë ditën e sotme vjen nga Federata Kroate e futbollit. Mbrojtësi i Kroacisë, Domagoj Vida ka rezultuar pozitiv me Covid-19.
Deri këtu gjithçka në rregull, por më skandalozja është se pavarësisht se ishte i infektuar, lojtari ishte në fushë në ndeshjen miqësore të luajtur ndaj Turqisë.
Federata kroate ka njoftuar se ka marrë përgjigjet e testeve të kryera së fundmi, nga ku është zbuluar se mbrojtësi është pozitiv.
Vida u zëvendësua në fillim të pjesës së dytë, por rreziku që ai ta ketë transmetuar virusin tek të tjerët është i madh, për shkak të kontakteve që mund të ketë pasur në fushë me kundërshtarët apo edhe shokët e skuadrës.
Statusi i Federatës Kroate të Futbollit:
“Pasi të gjithë lojtarët dhe anëtarët e stafit u testuan negativisht në miqësoren me Turqinë, të mërkurën në mëngjes të gjithë lojtarët u nënshtruan një testi për ndeshjen kundër Suedisë.Federata mori rezultatet e provës zyrtar pas mesnatës me kohën lokale dhe tregoi që futbollisti i ekipit kombëtar Domagoj Vida ishte pozitiv për Covid-19. Shërbimi kombëtar mjekësor kroat mori informacionin e parë në fund të pjesës së parë kundër Turqisë.
Meqenëse trajneri Zlatko Dalić kishte vendosur tashmë në atë kohë për të zëvendësuar Vida, shërbimi mjekësor i ekipit kombëtar e izoloi lojtarin sipas të gjitha masave epidemiologjike derisa të konfirmoheshin rezultatet e testit. Sipas rregulloreve, Vida do t’i kalojë ditët e ardhshme në vet-izolim në Stamboll “.
