Juventus dhe Napoli do të përballen të dielën në kuadër të Serie A, në një ndeshja e cila mund të jetë vendimtare për ekipin që do të ngrejë trofeun në fundin e kampionatit. Natyrisht, që pos rivalitetit në fushën e blertë mes futbollistëve, do të ketë edhe në shkallët e stadiumit. Por, një video që po qarkullon së fundi në rrjetet sociale ka befasuar shumëkënd në aspektin pozitiv.
Në një prej rrugëve të qytetit të Torinos janë ballafaquar dy grupet e tifozëve të ekipeve. Kur gjithkush priste që të ketë kacafytje, përleshje, shkëmbime të grushteve ndodh e kundërta – tifozët e dyja ekipeve fillojnë të përqafohen.
Kjo duket se është bërë me qëllim që të dërgohet një mesazh se çfarë do të ndodh nesër në fushë, nuk duhet të ndikoj në shkallët e stadiumit. Theksojmë se takimi mes këtyre dyja skuadrave do të startojë në ora 20:45 në Juventus Stadium.
