Në mirëmëngjesin e tij të promocionit qeveritar, kryeministri Rama ka ofruar videon e një prej akseve më të rëndësishme të Jugut, Kardhiq – Delvinë, që e nxjerr Sarandën nga një izolim gjeografik për të afruar dhe një orë më Tiranën pas përfundimit të baypass-it të Fierit.
“…dhe me këto pamje të rrugës Kardhiq – Delvinë, një nga projektet e paketës transformuese për ekonominë dhe turizmin e të gjithë zonës, që siguron lidhjen shumë më shpejtë të Gjirokastrës me bregdetin duke evituar Qafën e Muzinës për të vijuar përmes Nivicës, ju uroj një javë të mbarë”, shkruan Rama.
Ky aks nisi që gjatë qeverisjes së Berishës, ku sipas afateve të vëna që atëherë, duhej të kishte përfunduar në vitin 2012. Nëse do kishte ndodhur kjo, Rama nuk kishte pse ta promovonte sot në variantin video.
