Një grua e moshuar ka ndërruar jetë mes varfërisë, ndërsa pas vdekjes së saj u zbulua se ajo kishte qenë milionere.
Bëhet fjalë për Rafaella Donvito, e cila jetonte në Itali. Ajo ndërroi jetë më 25 prill të 2018-ës, ndërsa komunës i është dashur të priste një muaj për të bërë ceremoninë mortore pasi asnjë familjar apo mik nuk dukej për të tërhequr arkivolin.
E lindur në Tripoli më 1940, gruaja u thoshte fqinjëve se nuk kishte asnjë të afërm në Itali vetëm disa kushërinj të largët në SHBA.
E moshuara bënte një jetë të thjeshtë dhe të varfër, ndërsa pas vdekjes, administratori i pallatit arriti të shpluhuronte misterin e jetës së gruas.
Nga korrespondenca private kishte zbuluar se Donvito, e cila vuante nga kanceri, ishte trashëgimtare e dy shoqërive për patundshmëri dhe e disa tokave në Lombardi. Bashkëshorti i saj, i cili kishte vdekur 20 vite më parë, i kishte lënë të gjithë pasurinë.
Flitet se pasuria mund t’i kalojë një kushërire në Amerikë, por misteri vazhdon.
