Gruaja që vrau me thikë vogëlushin 7-vjeçar me prejardhje nga Kosova, në Bazel, ka treguar se këtë veprim e bëri pasi ka dashur të tërheqë vëmendjen e publikut dhe të shtetit.
“Më kishin dëbuar nga banesa ime, kështu duke mos më dhënë mundësi për t’u kthyer më në të. Askush nuk më dëgjonte tek autoritetet. Kështu që duhet të bëja diçka, në mënyrë që të dëgjohesha”, ka thënë ajo.
Siç shkruajnë mediat vendase, gruaja në fjalë është prej dekadash e njohur si një grua “problematike”, pasi së bashku me partnerin e saj në fillim të viteve ’80, të shekullit të kaluar, në kohën kur ende banonte në Allschëill të Kantonit Baselland, ajo i kishte drejtuar pa numër shumë peticione Qeverisë së Kantonit. Të dy e konsideronin veten si viktima të një “afere korrupsioni”.
E moshuara aktualisht mbahet në burg për hetime, në Bazel, dhe njëkohësisht po bëhet edhe ekzaminimi i saj psikiatrik.
Kujtojmë se 7-vjeçari shqiptar u ther për vdekje nga e moshuar 75-vjeçare, në rrugën St.Galler-Ring të Baselit, ndërkohë që po kthehej nga shkolla është këmbyer me 75-vjeçaren që e goditi me thikë duke i marrë jetën.
