E marta sipas gojëdhënave konsiderohet si ditë tersi, e plot me energji negative. Por, kjo e martë e 24 korrik 2018, lehtë se do të harrohet për Greqi, Japoninë e Laosin, pasi bilanci i viktimave nga shkaqet natyrore ka shkuar në disa qindra jetë të humbur.
Sipas të dhënave më të fundit të bëra publike nga ana e autoriteteve greke, të paktën 60 persona raportohet se kanë humbur jetën nga zjarri që ka përfshirë periferinë e Athinës orët e fundit. Flakët u përhapën me shpejtësi marramendëse të cilat u ndihmuan edhe nga era. Afro 200 është numri i personave që raportohen të plagosur, ndërsa mbi 1000 shtëpi e 300 makina janë shkrumbuar nga flakët.
Nga ana tjetër kjo e martë ka rezultuar të jetë një ditë tragjike edhe në Laos, ku për shkak të reshjeve të shumta dhe rrëshqitjeve të dherave me qindra persona raportohen të zhdukur, teksa 6600 persona kanë ngelur të pastrehë pasi shtëpitë e tyre janë mbuluar nga dherat.
Ndërkohë që në Japoni raportohen se të paktën 65 persona kanë humbur jetën për shkak të temperaturave të larta në dy javët e fundit. Një zëdhënës i agjencisë paralajmëroi se nivelet të paprecedentë të të nxehtit, janë regjistruar në disa zona.
Më shumë se 22 mijë persona në shtetin aziatik janë shtruar në spitale si pasojë e atakëve kardiake, me rreth gjysmën e tyre të moshuar.
