Kryeministri Edi Rama, me anë të një postimi në Twitter iu është përgjigjur kritikave lidhur me sigurinë kombëtare. Kreu i qeverisë shqiptare shprehet se institucionet kanë funksionuar siç duhet.
Reagimi pason pas incidentit që ndodhi në Uzinën e Armëve në Gramsh, të cilat nuk kaluan jashtë vëmendjes së mediave ndërkombëtare.
Dy rusë dhe një ukrainas kanë hyrë në Uzinën e armëve, dhe më pas janë arrestuar nën dyshimet për spiunazh. Ata ishin të pajisur me të gjitha mjetet logjistike për të kryer filmime të plota.
Në lidhje me këtë çështje, Rama vendos pikat mbi “i” duke theksuar se institucionet kanë funksionuar siç duhet.
Ja se çfarë shkruan Rama:
“Me u gjet Kola në punë!” është një shprehje popullore që kaq shumë u shkron mbrojtësve të zellshëm të Sigurisë Kombëtare, shfaqur me të gjitha bateritë në ekrane, portale e faqe personale, duke mos lënë gjë pa thënë përveç të vërtetës: Institucionet kanë funksionuar siç duhet!”.
“Me u gjet Kola në punë!” është një shprehje popullore që kaq shumë u shkron mbrojtësve të zellshëm të Sigurisë Kombëtare,shfaqur me të gjitha bateritë në ekrane,portale e faqe personale,duke mos lënë gjë pa thënë përveç të vërtetës: Institucionet kanë funksionuar siç duhet!
— Edi Rama (@ediramaal) August 21, 2022
