E ftuar në studion e “Ftesë në Pesë”, për të rrëfyer ngjarjen dhe përjetimet e saj pas plagosjes në protestën para Parlamentit, efektivja e forcave “Shqiponja”, Ina Nuka, tha se ndryshe nga ditët e tjera, kishte patur një parandjenjë të keqe.
24-vjeçarja rrëfeu se disa ditë më vonë, pas ndërhyrjeve të para, i kishte humbur të gjitha shpresat se mund të rifitonte gishtat e dëmtuar. Kur i kishin propozuar për të zëvendësuar gishtin me një prej gishtave të mëdhenj të këmbës, ajo kishte refuzuar, duke marrë përsipër edhe riskun që të qendronte në atë gjendje.
Pas katër ndërhyrjeve, ajo ka rifituar gishtat dhe mund të kryejë të gjitha funksionet edhe më dorën e plagosur.
Tashmë Ina i është kthyer detyrës, madje vetëm pak ditë më parë u vlerësua nga Ministri i Brendshëm me “Medaljen e Nderit”.
