Këngëtarja e njohur Greta Koçi, ka ndarë me publikun një moment të sikletshëm që kishte kaluar ajo dhe disa këngëtarë të tjerë shqiptarë në Zvicër. E ftuar në emisionin ‘Mos i fol shoferit’, Greta tha se kishin organizuar një koncert madhështor, por aty ishin prezentë vetëm 10 persona.
“Kemi qenë një herë në Zvicër, u bënë disa vite dhe kam qenë unë, Elita 5, Zanfina, Shkurte Fejza, Manjola Nallbani. U bë koncerti në një pallat sporti. Por në atë kohë, secili nga ne mund të mblidhte 2 mijë vetë në një diskotekë tjetër të famshme.
Por të gjithë bashkë mblodhëm 10 vetë. Ishte bërë një super organizim, dhe ne thamë këtu do bëhet nami. Organizatori i koncertit u zhduk dy-tre orë. U shqetësuam shumë dhe kur erdhi ai, e pyetëm; si qe puna?
Këtu tha, para 2-3 vitesh ka kënduar një grup i famshëm roku, dhe rinia kanë prerë damarët dhe ky vend është mbushur dhe mbahet si vend i keq. Ai nga ajo kohë nuk bëri më kurrë koncerte”, rrëfeu këngëtarja.
