Erling Haland është një nga emrat më të lakaur në merkato, ku shumë ekipe duan të kenë pjesë të tyre norvegjezin.
Fillimisht u përfol se biondi norvegjez nuk ishte në shitje, por përballë një presioni shumë të madh edhe drejtuesit e Dortmund duken të dorëzuar.
Sipas të përditshmes gjermane “Bild”, verdhezinjtë kanë vendosur të lënë të lirë Halandin, por jo pa marrë fillimisht atë që kërkojnë. Çdo skuadër që kërkon shërbimet e tij duhet të paguaj minimalisht 150 milionë euro.
Kjo nuk është një shifër e lartë duke pasur parasysh potencialin e Haland, por në këtë kohë krizë mbetet një shifër e vështirë për tu paguar.
Për sulmuesin 20-vjeçar, prej kohësh janë vënë në garë ekipi si Reali i Madridit, Barcelona, Mançester Siti, Bajerni i Mynihut e shumë të tjerë.
