Xhezo Ajazi është një 31 vjeçar, i cili jeton si refugjat në Gjermani prej tri vitesh.
Por, shqiptari nuk ka leje qëndrimi dhe do t’i duhet të kthehet në Shqipëri.
“Ai është punëtori ynë më i mirë”, thotë shefi i tij i punës, gjermani Martin Habeland.
Ajazi jeton me të shoqen, Artiolën dhe tri vajzat e vogla (8 vjeçe, 4 vjeçe dhe 8 muajshe) dhe është shembull në punë, ai shtron me pllaka tri banjo brenda një orari pune.
Familja shqiptare udhëtoi drejt Berlinit në shkurt të vitit 2015 dhe flet gjermanisht më mirë se shqiptarët.
Me të mbërritur në Gjermani, Xhezo gjeti punë, ku fitonte 1700 euro, paguante taksat dhe vlerësohej nga kolegët.
“Në Shqipëri nuk kishim asnjë mundësi. Asnjëherë nuk paguhesha, kështu që nuk mund të ushqeja familjen time”, u shpreh babai.
“Ne jemi mirë”, thotë ai. Megjithatë, familja duhet të kthehet në Shqipëri. Me dëshpërim, shqiptari ka kërkuar ndihmë nga Komisioni gjerman, duke kërkuar të drejtën e qëndrimit.
“Ai ka gjithçka këtu. Xhezo është një koleg i jashtëzakonshëm, gjithmonë i zellshëm dhe i përpiktë. Përse vallë të dëbohet pikërisht ai dhe jo ata të huaj që janë ndeshur me ligjin. Ne do vazhdojmë të luftojmë për kolegun tonë”, thotë shefi i tij, Hadeland.
