Familjarët e minoritarit grek që u vra nga RENEA duket se nuk i besojnë palës shqiptare. Nga Prokuroria e Krimeve të Rënda mësohet se familjarët e Kaçifas nuk kanë bërë kërkesë për ekspertizë mjeko-ligjore.
“Familjarët s’kanë bërë kërkesë për ekspertizë të trupit”, thonë burime nga Prokuroria e Krimeve të Rënda.
Kësisoj, mësohet se familjarët e Kaçifas kanë vendosur të bëjnë ekspertizë private. Kështu, ekspertiza mjeko-ligjore e trupit do të bëhet nga një spital privat i huaj.
Familjarët e 35-vjeçarit dyshojnë se vrasja e Kaçifas është bërë nga afër, duke hedhur dyshime se RENEA ka pasur mundësi të neutralizojë atë pa e vrarë.
Varrimi që mendohej se do të bëhej pasditen e së hënës, duke u shtyrë për të martën, por as ditën e sotme duket se nuk do të zhvillohet.
