Nazer Seiti, i arrestuar në Vlorë, pasi iu gjetën 4 ton drogë në fshatin Babicë, do të ekstradohet në Itali.
Vendimi është marrë nga Gjykata e Tiranës, e cila ka pranuar kërkesën e Prokurorisë së Krimeve të Rënda për ekstradimin e Seitit.
Ekstradimi i tij do të bëhet për llogari të drejtësisë italine, pasi ndaj tij Gjykata e Katanias ka caktuar masën ‘arrest me burg’, pasi mbi të rëndon akuza e përfshirjes në trafikun e drogës Shqipëri-Itali.
Por, edhe avokati i Seitit, Detar Hysi tha se ishte dakord me ekstradimin dhe se nuk duhet të kërkohet shtim afati.
“Jemi dakord me ekstradimin, s’ka pse kërkohet shtim afati. Klienti im ka dhënë pëlqimin të ekstradohet, por po e pengojnë”, tha avokati i Seitit.
