Një shpërthim i fuqishëm ka ndodhur në një tren në perëndim të Londrës, në një metro në Parsons Green. Një kovë e bardhë plastike, e futur në një qese të madhe ka shpërthyer, ndërsa dyshohet se kemi të bëjmë me një bombë artizanale.
Pas këtij shpërthimi, njerëzit kanë vrapuar të tmerruar, ndërsa shumë prej tyre u hodhën jashtë dyerve të trenave të panikuar.
Disa persona kanë pësuar djegie serioze në fytyrë, ndërsa nuk dihet numri i saktë i personave të lënduar.
Sipas dëshmive të para, kova ka shpërthyer në pjesën e prapme të metrosë, ndërsa policia nuk e ka verifikuar ende nëse bëhet fjalë për një bombë dhe nëse kemi të bëjmë me një sulm terrorist.
Autoritetet kanë pezulluar lëvizjen në metro pas shpërthimit.
Më poshtë fotoja e kovës plastike që shpërtheu rreth orës 08:20 me orën lokale në Londër:
