Pronari i lokalit në ish-Bllok, ku ndodhi vrasja e 4 tetorit është liruar nga burgu.
Gjykata e Tiranës vendosi masën “arrest shtëpie” për Redi Popeskun në seancën e mbajtur sot pa praninë e medias.
Pronari i lokalit Popesku akuzohej për “Kryerje të veprimeve që pengojnë zbulimin e së vërtetës” dhe “Moskallëzim krimi”.
Ndërkohë, avokati i Popeskut ka kundërshtuar vendimin e Gjykatës së Tiranës. Avokati Ardian Leka tha për mediat:
“Vendimi për Redi Popeskun nuk është i drejtë. Nuk mund të caktohet masë sigurie dhe nuk mund të lihet arrest shtëpie. Kjo pasi klienti im nuk ka fshehur asnjë armë. Ai ka pasur disa armë me leje. Popesku nuk duhej të ishte arrestuar në flagrancë.”
Më 4 tetor, gjatë sherrit në lokalin e Popeskut, u vra Fabiol Gaxha dhe mbetën të plagosur Ervis Martinaj dhe Eljo Hato.
