Kryeministri Edi Rama ka anuluar një takim me të rinjtë që votojnë për herë të parë në Dibër. Takimi ishte parashikuar të zhvillohej sot, por burime të Balkanweb nga kryeministria bëjnë me dije se ky anulim vjen për shkak të motit të keq.
Në fakt, teksa takimi është shtyrë, kryeministri Rama ka takuar ambasadorin e SHBA-ve, Donald Lu, në funksion të gjetjes së zgjidhjes për krizën politike.
Takime të shpeshta ka pasur edhe nga opozita, ku Basha ka takuar dy herë aleatët parlamentarë dhe po dy herë është takuar me ish-kryeministrin, Sali Berisha.
Sot është afati i fundit i Bashës për platformën McAllister, e cila pritet të pranohet nga kreu i PD-së, një ditë pas vizitës me zyrtarin e DASH, Hoyt Brian Yee.
