Një ngjarje e rëndë ka ndodhur në Sarandë, ku është gjetur një burrë i djegur brenda ashensorit të një pallati.
Mësohet se pallati ishte ende në ndërtim, ndërsa sipas policisë viktima është shtetasi A.O., 58 vjeç.
Dyshohet se viktima mund të jetë vetëdjegur për shkak të gjendjes depresive.
Njoftimi i policisë:
Më datë 10.12.2017, rreth orës 14:10, Salla Operative Sarandë është njoftuar nga një telefonatë se në lagjen ”Nr.4”, në brendësi të ashensorit të një pallati ende në ndërtim është gjetur i djegur plotësisht një shtetas.
Shërbimet Policore dhe Grupi Hetimor kanë shkuar menjëherë pranë vendit të ngjarjes dhe kanë konstatuar se në brendësi (në gropën) e ashensorit gjendet plotësisht i djegur trupi i një shtetasi të seksit mashkull.
Nga veprimet paraprake të kryera dyshohet se trupi i pajetë ti përkasë shtetasit A.P., 58 vjeç, banues në Sarandë, i cili mund të jetë vetëdjegur.
Grupi hetimor po punon për zbardhjen e plotë të rrethanave të ngjarjes.
