Një aksident i rëndë është shënuar këtë mbrëmje në dalje të Kavajës, ku raportohet për viktima.
Dy persona kanë humbur jetën, viktima janë një grua që po ecte në trotuar me dy fëmijët e saj dhe pasagjeri që po udhëtonte më makinën tip “Benz”. Ndërsa dy vajzat e të ndjerës dhe drejtuesi i makinës ndodhen në gjendje të rëndë.
Mësohet se të aksidentuarit janë dërguar në spital për të marrë shërbim mjekësor me makina të rastit.
Nga dëshmitë e para thuhet se në makinë kanë qenë tre të rinj dhe makina po lëvizte me shpejtësi, çka ka sjellë humbjen e kontrollit.
