Sekuestrohen 1.2 ton kokainë në portin e Gioia Tauro, në Kalabri, në jug të Italisë. Lënda narkotike, e cila ishte fshehur në një kontenier me banane, vinte nga Amerika e Jugut dhe kishte si destinacion Gjermaninë.
Sipas autoriteteve fqinje, nëse do të shitej në treg, sasia e sekuestruar do të kapte vlerën 250 milionë euro.
“Pas kontrollit, droga prej 1,2 ton, do të kishte gjeneruar të paktën 250 milionë euro”, nënvizoi policia.
Ndërkohë, ministrja e Brendshme shprehu vlerësimet për drejtorinë rajonale të luftës kundër mafias, për karabinierët e Kalabrisë dhe për agjentët lokalë të policisë financiare. Për një nga sekuestrimet më të mëdha të kokainës, realizuar në territorin kombëtar.
“Sekuestrimi u realizua si rezultat i një hetimi të thellë nga policia financiare dhe policia doganore në të gjithë ngarkesën”.
