E ëma e Konstantin Kacifas, minoritarit të vrarë, ka deklaruar për mediat greke se “qeveria Rama e hëngri të birin fatkeq”. Në një intervistë të dhënë për median “Newsbreak.gr”, ajo deklaroi se është optimiste se qeveria e re e Kyriakos Mitsotakis do ta ndihmojë në vrasjen e Kacifas, në 28 tetor të vitit të kaluar. Ajo ka thënë më tej se qeveria e Alexis Tsipras nuk bëri asgjë, e tashmë mbetet me shpresë se kjo ngjarje do të zbardhet.
‘’Falenderoj qeverinë e Greqisë, që na dëgjoi për t’i dhënë këtij kalvari të gjatë vuajtjesh që kemi përjetuar. Ne duam që secili të di se çfarë ndodhi ditën që ata gllabëruan tim bir.
Qeveria e mëparshme e (Alexis Tsipras) nuk bëri asgjë. Mitsotakis shpreson se do të zbardhet kjo çështje. Qeveria e Edi Ramës e hëngri tim bir, sepse ai kishte zemër dhe shpirt të madh dhe ndiente dhimbje për flamurin grek dhe ngjyrat e tij.
Dua që 28 tetori të përkujtohet çdo vit, që kur e gllabëruan tim bir. U lutem të gjithë grekëve të vijmë këtu, dhe të këndojmë himnin kombëtar’’, deklaron e ëma e ekstremistit të vrarë.
