Duket se paraqitjet e mira që ka bërë me Baselin në Zvicër dhe ato me kombëtaren shqiptare kanë bërë që Taulant Xhaka të vihet në vëzhgim nga Rafa Benitez. Trajneri i madh drejton Newcastle në Premier League dhe është duke kaluar një moment të keq, ndërsa e sheh Xhakën si përforcimin e duhur të muajit janar.
Lajmi është bërë i ditur sot nga portali “Newcastletools” sipas të cilit Xhaka do ta rriste efikasitetin në mesfushën e bardhezinjtë që po luftojnë për qëndrimin në elitën e futbollit anglez.
Në rast transferimi, 27-vjeçari do të formojë dyshen e mesfushës së bashku me britanikun Shelvi. Xhaka aktualisht luan në kampionatin zviceran me Baselin, teksa transferimi në Premier Ligë, do të ishte një mundësi e artë për të treguar veten.
Kujtojmë që në Angli aktivizohet edhe vëllai i vogël, Granit Xhaka, që mban veshur fanellën e Arsenalit. Vlera e kartonit të Taulantit aktualisht është 3 milionë euro, gjithsesi palët priten të ulen dhe të negociojnë në lidhje me këtë transferim. Futbollisti i Kombëtares shqiptare pëlqehet dhe ka marrë ok nga trajneri i Newcastle, Rafa Benitez.
