Instituti i Studimeve Politike, i drejtuar nga politologu Afrim Krasniqi, ka publikuar të ardhurat mujore të deputetëve, duke filluar nga muaji Janar 2018 deri në Shtator 2018. Duke iu referuar listës së plotë, në krye qëndron deputeti i PS, Edmond Leka, si më i pasuri.
Lista është ndarë në dy kategori. Në të parën bëjnë pjesë 16 deputetë, të cilët janë të pasur. Po kështu në listën e dytë bëjnë pjesë 16 deputetët më pak të paguar. Sikundër dëshmon studimi në fjalë, deputetët që kanë poste të larta politike dhe parlamentare përfitojnë pagesa më të vogla financiare, sesa një numër deputetësh anonimë. Këta të fundit figurojnë në listën e deputetëve me nivel më minimal angazhimi parlamentar.
