Një video ku duken pamjet e një qeni që braktiset nga i zoti, ka prekur zemrat e mijërave njerëzve. E gjithë ngjarja është filmuar nga një kamera sigurie, teksa i zoti i tij e merr qenin dhe e lë në një rrugë.
Ngjarja ka ndodhur në Angli, ndërsa pamjet janë vërtet të dhimbshme, teksa qeni vrapon disa herë rreth e rrotull makinës së të zotit, si dhe ngrihet në xhamin e parë të pasagjerit me shpresën se pronari do hapë derën dhe do e marrë në makinë.
Autoritetet e RSPCA, që kujdeset për kafshët, kanë kërkuar ndihmë në identifikimin e personit të pashpirt. Ndërkohë, mijëra njerëz janë ofruar për të adoptuar qenin.
