Rritet bilanci tragjik i aksidentit në Shkodër, ku dy automjete u përplasën fuqishëm, duke shkaktuar disa viktima në familjen Preka. Pas 3 ditësh në koma, është ndarë nga jeta edhe vogëlushja 10-vjeçare, Noemi Preka.
Ajo mbahej në jetë nga aparaturat, ndërsa më herët mjekët kishin paralajmëruar se shanset e Noemit për të jetuar, ishin të vogla. Nga aksidenti i rëndë humbi jetën kryefamiljari Edmond Preka humbi jetën bashkë me dy fëmijët e tij, vajzën 5-vjeçare dhe foshnjën mashkull, 8 muajsh. E ëma e fëmijëve, Evisa Preka është jashtë rrezikut për jetën.
Aksidenti ndodhi të dielën në aksin rrugor Velipojë-Shkodër. Fouristrada ka qenë duke udhëtuar në drejtim të Shkodrës, ndërsa mjeti tjetër tip Alfa Romeo ka qenë duke udhëtuar ne drejtim të plazhit të Velipojës, ku ka ndodhur përplasja.
Nga pamjet e filmuara duket se shpejtësia duhet të ketë qenë tej normave të lejuara nga të dy drejtuesit e automjeteve, duke shkaktuar kështu këtë bilanc tragjik.
Një dëshmitar tha se kishte përjetuar skena tmerri, teksa në momentin e përplasjes fëmijët kërkonin të tmerruar nënën e tyre, ndërsa ajo bërtiste me të madhe “ku e kam djalin?”.
“Dje pamë tmerr me sy. S’më kishte ndodhur kurrë që të shihja aksident aq të rëndë”, tha dëshmitari që ka parë momentin tragjik që u mori jetën 4 personave.
“Llahtari. Dje u tmerruam, pamë pamje të tmerrshme. Fëmijët kërkonin vetëm nënën. Nena thërriste; ‘ku e kam djalin’. I kemi dhënë ndihmë. Kemi marrë batanije dhe kemi mbuluar viktimat dhe të plagosurit. Më pas kemi ndihmuar që ata të futen në ambulancë dhe më pas në spital. Jam shofer dhe kurrë s’kam parë ngjarje kaq të tmerrshme”, tha dëshmitari.
