Juventusi po përgatiste “bombën” e madhe të merkatos duke ëndërruar dyshen Mesi-Kristiano Ronaldo.
Lajmin e bën të ditur “Don Balon” nga Spanja, që raporton se kampionët e Italisë e kishin marrë seriozisht mundësinë për të transferuar Mesin në Torino.
Zonja e Vjetërn ishte gati të ofronte tre futbollistë në drejtim të Barcelonës, të cilët iu pëlqenin edhe katalanasve: Paulo Dibala, Matajs De Ligt dhe Aleks Sandro.
Por, ishte pikërisht ylli portugez që ndaloi gjithçka dhe frenoi “çmendurinë” e bardhezinjve.
Arsyeja? Nuk është as për xhelozi apo për inat dhe rivalitet mes njëri-tjetrit.
Portugezi nuk ishte dakord që Juventusi të sakrifikonte këta lojtarë, të cilët i konsideron shumë të rëndësishëm dhe mendonte se do të prishej boshti i krijuar në merkaton e viteve të fundit.
