Imami Ahmed Kalaja ka denoncuar në polici një grua e cila sipas tij e bezdiste prej 3 vitesh.
Kalaja tregon se gruaja e bezdiste vazhdimisht në telefon, pavarësisht se ky i fundit i kishte thënë se ishte Imam. Gruaja 41-vjeçare me iniciale R.V ka vijuar t’i shkruajë përsëri, duke bërë që imami t’i drejtohet policisë për kallëzim.
Sipas Top Channel, Kalaja i është drejtuar komisariatit numër 3 dhe ka denoncuar pas reagimit të 41-vjeçares e cila e ka kërcënuar duke i thënë se kjo gjë do t’i kushtonte kokën.
Ahmed Kalaja ka treguar për policinë se nuk e njeh gruan që i shkruan. Më tej ai shton se ia ka bllokuar të gjitha numrat, por ajo më pas i ka shkruar në Messenger.
