Zlatan Ibrahimovic u afrua te Milan në merkaton e janarit, por aventura e tij e dytë te kuqezinjtë mund të zgjasë vetëm pak, pasi qarkullojnë lajme se suedezi mund të largohet në verë.
Megjithatë sulmuesi 38-vjeçar ka vendosur të harrojë për disa kohë këto zëra dhe të përpiqet të mbajë trupin në formë për rifillimin e kampionatit, i cili ende nuk dihet se kur do te ndodhë.
Ditën e sotme Ibra ka zbritur në fushë, teksa është stërvitur me skuadrën suedeze të Hammarby. Stërvitjet në Suedi nuk janë të bllokuara dhe sulmuesi i Milan ka shfrytëzuar këtë moment për të nisur stërvitjen e tij.
Kujtojmë se te Hammarby, Ibrahimovic zotëron edhe 25% të aksioneve të klubit, të cilat i bleu në verë.
