Mesa duket, Belen Rodriguez nuk i ka raportet mjaft të mira me romancat e saj, pasi thuhet se është ndarë nga i dashuri i saj. Ylli argjentinas Belen Rodriguez, dhe partneri i saj Andrea Iannone, i kanë dhënë fund lidhjes së tyre.
Sipas të përjavshmes italiane ‘Chi’, kjo është një ndarje përfundimtare. Kampioni i Moto Gp dhe showgirl-i kishin më shumë se dy vite së bashku, por gjithnjë e kanë pranuar se lidhja e tyre ishte problematike. Arsyet për ndarjen kanë qënë të shumta, por pretendohet se bukuroshja dëshiron që ti dedikohet karrierës dhe djalit të saj.
Por pavarësisht këtyre thashethemeve, ajo nuk dëshiron që ta pranojë, ose ta bëjë publike. Përmes një postimi në llogarinë e saj të Instagram-it, Belen ka shkruajtur: “Belen i dha fund, Belen braktisi, Belen është shtatzënë, Belen është me dikë tjetër…Bla bla bla… Faleminderit për vëmendjen!”.
